ప్రకాశం రైతు షేడ్ నెట్‌లో మిరప నారు పెంచి లాభాలు

ప్రకాశం జిల్లా కొమురోలు మండలం తాడిచెర్లకు చెందిన రైతు ఈశ్వరయ్య షేడ్ నెట్ నర్సరీ ఏర్పాటు చేసి మిరప నారు పెంచుతున్నారు.

ఈయన ఆరేళ్ల నుంచి ఈ నర్సరీ నిర్వహిస్తున్నారు. ప్రోట్రేలలో మొక్కలు పెంచుతూ స్థానిక రైతులకు విక్రయిస్తున్నారు. జమునా 116, తేజా రకం (జమునా 106), యశస్విని వంటి మిరప రకాల నారును ఉత్పత్తి చేస్తున్నారు.

ఒక కేజీ విత్తనం ధర రూ.60,000. విత్తనం, మందులు, ఎరువులు, ఇతర ఖర్చులతో మొత్తం పెట్టుబడి లక్ష రూపాయల వరకు అవుతుందని చెప్పారు. ఈ కేజీ నుంచి సుమారు లక్షా 20 వేల నుంచి లక్షా 30 వేల నారు మొక్కలు తయారవుతాయి. వాటిని రూపాయి చొప్పున విక్రయిస్తారు. పెట్టుబడి పోను రూ.20,000 నుంచి రూ.25,000 లాభం మిగులుతుందని ఈశ్వరయ్య తెలిపారు.

నారు పెంచేందుకు కోకోపీట్‌ను ఏలూరు నుంచి తెప్పిస్తారు. టన్ను ఎరువు ధర రూ.7,000. నారు 40 రోజులు పెంచుతారు. వేరుకుళ్ళు, పచ్చ పురుగు వంటి సమస్యలకు సకాలంలో మందులు చల్లుతారు.

గిద్దలూరు ప్రాంతంలో మిరప నారుకు మంచి డిమాండ్ ఉండటంతో పలువురు నర్సరీలు ఈ నారు సాగుపై దృష్టి పెట్టాయి. ఈశ్వరయ్య నర్సరీ ద్వారా స్థానికులకు ఉపాధి కూడా లభిస్తోంది.