సంబంధాలలో మ్యూచువల్ ఎఫర్ట్ కీలకం: నటి ప్రీతి శ్రీనివాస్

ప్రముఖ సీరియల్ నటి ప్రీతి శ్రీనివాస్ ఇటీవల ఒక ఇంటర్వ్యూలో సంబంధాలపై తన అభిప్రాయాలు పంచుకున్నారు. డబ్బుల కోసమే అమ్మాయిలు వస్తారనే భావన తప్పని ఆమె అన్నారు.

అమ్మాయికి పాకెట్ మనీ కావాలంటే ఆమె కూడా ఏదో ఒక విధంగా సహకరించాలి. ఇంట్లో వంట చేయడం, పిల్లల్ని చూసుకోవడం వంటి చిన్నచిన్న సాయం కూడా ముఖ్యమేనని ఆమె వివరించారు. అబ్బాయిలు మంచి కెరీర్ ఏర్పరచుకొని భాగస్వామిని చూసుకునే అర్హత సంపాదించాలని సూచించారు.

వ్యక్తిగత విషయాల్లో, తనకు కుటుంబంతో కలిసి ప్రశాంతమైన విహారయాత్రలంటే ఇష్టమని ప్రీతి చెప్పారు. ఇటీవలే భర్త, కొడుకుతో కలిసి సింగపూర్ వెళ్లిన ఆమె, ఇంత డబ్బు పెట్టినప్పుడు లేజీగా ఉండకుండా అన్ని చూడాలని ఫిక్స్ అయ్యామన్నారు.

ప్రీతి ప్రస్తుతం హైదరాబాద్, బెంగళూరు రెండు నగరాల్లో విధులు నిర్వర్తిస్తున్నారు. బెంగళూరుతో పోలిస్తే హైదరాబాద్‌లో షూటింగ్ తర్వాత రిలాక్స్ కావడానికి, ఇంటి పనుల నుంచి కాస్త విరామం దొరుకుతుందని చెప్పారు. తన స్కూల్, కాలేజీ స్నేహితులతో గ్రూపుల్లో చాటింగ్ చేస్తూ టచ్‌లో ఉంటానని తెలిపారు.