గుంతల రోడ్లపై నిరసనగా నీటి గుంటలో కూర్చున్న వ్యక్తి

కరీంనగర్‌లో రోడ్లపై ఉన్న గుంతలు, నీటి నిల్వలపై నిరసన తెలిపేందుకు ఓ వ్యక్తి నీటి గుంటలోనే కూర్చున్నారు. ‘ప్రభాకర్ అన్నా బయటకు రా’ అంటూ ఆయన నినాదాలు చేశారు.

ఈ సందర్భంగా నిరసనకారుడు గతంలో ఎంపీ కొండా విశ్వేశ్వర్ రెడ్డి చేసిన వ్యాఖ్యలను ప్రస్తావించారు. రోడ్లు అధ్వాన్నంగా ఉంటే వాహనాలు నెమ్మదిగా నడుస్తాయని, దీంతో ప్రమాదాలు తగ్గుతాయని ఎంపీ అన్నారని ఆయన గుర్తుచేశారు. అలాంటి ఆలోచనతోనే అధికారులు రోడ్ల మరమ్మతులు చేయకుండా వదిలేస్తున్నారని వ్యంగ్యంగా విమర్శించారు.

కరీంనగర్‌లోనే కాకుండా రాష్ట్రంలోని పలు ప్రాంతాల్లో రోడ్లు దయనీయంగా ఉన్నాయని నిరసనకారుడు ఆవేదన వ్యక్తం చేశారు. ఈ ఘటన స్థానికంగా చర్చనీయాంశంగా మారింది.