పబ్లిక్ ఎగ్జామినేషన్స్ సవరణ బిల్లు 2026: లోక్‌సభలో చర్చకు NDA యువ ఎంపీలు

పబ్లిక్ పరీక్షల్లో అక్రమాలను అడ్డుకునేందుకు కేంద్రం తీసుకొచ్చిన పబ్లిక్ ఎగ్జామినేషన్స్ (అన్యాయ మార్గాల నివారణ) సవరణ బిల్లు 2026ని లోక్‌సభలో ఈ రోజు ప్రవేశపెట్టనున్నారు. ఈ బిల్లుపై జరిగే చర్చలో NDA యువ ఎంపీలను రంగంలోకి దింపాలని ప్రభుత్వం వ్యూహం రచించింది. మొత్తం 8 నుంచి 10 గంటల సేపు చర్చ జరిగే అవకాశముంది.

పర్సనల్ శాఖ సహాయ మంత్రి డాక్టర్ జితేంద్ర సింగ్ ఈ బిల్లును సభలో ప్రవేశపెడతారు. తర్వాత NDA తరఫున బన్సురి స్వరాజ్, తేజస్వి సూర్య లాంటి యువ నేతలు వాదనలు వినిపిస్తారు. ఇతర పార్టీల నుంచి కూడా యువ ఎంపీలు పాల్గొంటారు. టీఎంసీ నుంచి షైనీ ఘోష్, మితాలీ బాద్, టీడీపీ తరఫున లవు శ్రీ కృష్ణ దేవరాయలు, జేడీయూ నుంచి లాలన్ సింగ్, శివసేనకు చెందిన శ్రీకాంత్ షిండే, ఎన్సీపీ నుంచి సునీల్ తట్కరే, అప్నా దళ్ ఎంపీ అనుప్రియా పటేల్, ఎల్‌జేపీ రామ్‌విలాస్ ఎంపీ అరుణ్ భారతి తదితరులు స్పీకర్ల జాబితాలో ఉన్నారు.

ఇది 2024 లో తెచ్చిన పబ్లిక్ ఎగ్జామినేషన్స్ చట్టానికి సవరణలు చేస్తుంది. ప్రశ్నాపత్రాల లీకేజీలు, పరీక్షల్లో అక్రమాలకు కఠిన శిక్షలు విధించడం ఈ బిల్లు లక్ష్యం. ఈ బిల్లు పట్ల ప్రభుత్వం ఎంతో ప్రాధాన్యత ఇస్తోందని, యువ ఎంపీలకు అవకాశమివ్వడం ద్వారా యువత ఆకాంక్షలకు ప్రాధాన్యమిస్తున్నట్టు సంకేతాలు పంపుతోంది.

అటు కేంద్ర విద్యా మంత్రి ఈ రోజు ప్రశ్నోత్తరాల సమయంలో సభలో ఉంటారు. విద్యా మంత్రిత్వ శాఖకు సంబంధించిన ప్రశ్నలకు సమాధానమివ్వనున్నారు. నిన్న అధికారులు ఆయనకు ప్రశ్నోత్తరాలపై బ్రీఫింగ్ ఇచ్చారు. చర్చ సందర్భంగా పలువురు యువ ఎంపీలు తమ అభిప్రాయాలు వ్యక్తం చేస్తారు. NDA కూటమి ఈ బిల్లును బలంగా సమర్థిస్తుందని, పార్లమెంటులో సుదీర్ఘ చర్చ తర్వాత బిల్లు ఆమోదం పొందే అవకాశం ఉంది.