పూరీ జగన్నాథ ఆలయంలో ప్రత్యేక నైవేద్యం: ఏడు కుండల వంట, 56 ఆహార పదార్థాలు

పూరీ జగన్నాథ దేవాలయంలో నైవేద్యం చేసే విధానం ప్రత్యేకమైనది. భక్తుడు ఇంద్రద్యుమ్నుడు దేవుడిని వరం కోరి, తన చేతులు ఎప్పుడూ తడిగా ఉండేలా, నిత్యం వివిధ రకాల ప్రసాదాలు సమర్పించేలా కోరాడని స్థానిక విశ్వాసం. దీంతో 56 రకాలకు తక్కువ కాకుండా నైవేద్య పదార్థాలు తయారయ్యే సంప్రదాయం ఏర్పడింది.

ఈ ఆలయంలో వంటకు కట్టెల పొయ్యిని ఉపయోగిస్తారు. ఒకే మంటపై ఏడు కొత్త మట్టి కుండలు ఒకదానిపై ఒకటి పేర్చి ఉంచుతారు. సాధారణంగా కింది కుండ ముందు ఉడకాలి. కానీ ఇక్కడ పైన ఉన్న ఏడవ కుండలోని అన్నం ముందుగా ఉడుకుతుందని చెప్తారు. చివరగా అడుగున ఉన్న కుండ ఉడుకుతుంది. ఇది ఇంద్రద్యుమ్నుడికి దేవుడు ఇచ్చిన వరానికి గుర్తుగా భావిస్తారు.

వంట లోపల సంపూర్ణ నియమాలు పాటిస్తారు. లోపలికి ఎవరినీ అనుమతించరు. స్వరంగ మార్గం ద్వారా ప్రసాదాలను భోగ మందిరానికి తీసుకువెళతారు. జగన్నాథుడికి నైవేద్యం పెట్టిన తరువాత, అదే ప్రసాదం విమలాదేవి పేరుతో పార్వతీ దేవికి చెందిన శక్తిపీఠంలో నివేదించిన తర్వాతే ప్రసాదంగా మారుతుంది. వేల మంది నియమబద్ధంగా ఈ వంట ప్రక్రియలో పని చేస్తారు.