ఫీజు రీయంబర్స్మెంట్ బకాయలు చెల్లించకపోతే ఆమరణ నిరాహార దీక్ష చేస్తా: MP కృష్ణయ్య

తెలంగాణలో ఫీజు రీయంబర్స్మెంట్ పథకం బకాయిలు చెల్లించకపోతే ఆమరణ నిరాహార దీక్ష చేస్తానని రాజ్యసభ సభ్యుడు ఆర్. కృష్ణయ్య హెచ్చరించారు.

ప్రభుత్వం బకాయిలు విడుదల చేయడంలో జాప్యం చేస్తోందని, దీనివల్ల ఎస్సీ, ఎస్టీ, బీసీ, మైనారిటీ విద్యార్థులు తీవ్ర ఇబ్బందులు పడుతున్నారని ఆయన ఆరోపించారు. సీఎం విద్యార్థుల జీవితాలతో చెలగాటమాడుతున్నారని, రీయంబర్స్మెంట్ పథకాన్ని ఎత్తివేయడానికి కుట్ర చేస్తున్నారని కృష్ణయ్య విమర్శించారు.

ఈ నేపథ్యంలో ఈ నెల 30వ తేదీన కాలేజీ విద్యార్థులు తరగతులు బహిష్కరించి కలెక్టరేట్లు, ఎమ్మెల్యే క్యాంప్ కార్యాలయాలను ముట్టడించాలని ఆయన పిలుపునిచ్చారు. ప్రభుత్వం దిగిరాకపోతే భవిష్యత్తులో ఆమరణ నిరాహార దీక్ష చేస్తానని హెచ్చరించారు.

ఫీజు రీయంబర్స్మెంట్ బకాయిలు చెల్లించకపోవడంతో పలువురు విద్యార్థులు ఉన్నత చదువులు కొనసాగించలేకపోతున్నారని కృష్ణయ్య పేర్కొన్నారు. ప్రభుత్వం నుంచి ఇప్పటివరకు స్పందన లభ్యం కాలేదు.