సిద్దిపేటలో ఆయిల్ పామ్ సాగు: రైతుకు లక్షల్లో ఆదాయం - హరీష్ రావు

సిద్దిపేట జిల్లాలో ఆయిల్ పామ్ సాగు చేపట్టిన రైతులు గణనీయమైన ఆదాయం పొందుతున్నారని BRS నేత, మాజీ మంత్రి హరీష్ రావు తెలిపారు. మహేందర్ అనే రైతు రెండు ఎకరాల ఆయిల్ పామ్ తోట నుంచి నెలకు రూ.50,000 సంపాదిస్తున్నారు. గతంలో వరి సాగు చేస్తే ఏడాదికి రూ.50,000 మాత్రమే వచ్చేదని ఆయన వివరించారు.

మరో రైతు పాపి రెడ్డి 10 ఎకరాల్లో ఆయిల్ పామ్ వేయగా, ఈ ఏడాదిలో రూ.26 లక్షల ఆదాయం బ్యాంకు ఖాతాలో జమా అయినట్లు హరీష్ రావు తెలిపారు. పాపి రెడ్డి తన సాగును 30 ఎకరాలకు విస్తరించాలనుకుంటున్నారు.

రోడ్లు, విద్యుత్ వంటి మౌలిక వసతుల కంటే రైతుకు స్థిరమైన ఆదాయం అవసరమని, ఆయిల్ పామ్ ద్వారా రైతుల ముఖంలో చిరునవ్వు వస్తోందని హరీష్ రావు అన్నారు. సిద్దిపేట ఆయిల్ పామ్ రైతులు రాష్ట్రానికి ఆదర్శంగా నిలుస్తున్నారని ఆయన అభిప్రాయపడ్డారు.