జూనియర్ ఎన్టీఆర్ కు రా ఎన్టీఆర్ సంస్థ బహుమతి, 100 కోట్ల 'మా ఊరువాడ' సేవా ప్రకటన

తిరుపతిలోని ఓ హోటల్లో రా ఎన్టీఆర్ సంస్థ అధ్యక్షుడు సాయిరూప్ విలేకరుల సమావేశం నిర్వహించారు. ఈ సందర్భంగా జూనియర్ ఎన్టీఆర్ కు 18వ తేదీన బహుమతి ఇస్తున్నామని, 100 కోట్ల రూపాయల బడ్జెట్తో ‘మా ఊరువాడ’ కార్యక్రమం చేపడుతున్నామని ప్రకటించారు.

జూనియర్ ఎన్టీఆర్ కార్యాలయం ఇప్పటికే రా ఎన్టీఆర్ సంస్థతో తమకు సంబంధం లేదని ప్రకటన విడుదల చేసింది. ఎన్టీఆర్ అభిమాన సంఘం కన్వీనర్ కృష్ణ యాదవ్ ఈ సంస్థపై తిరుపతి జిల్లా అదనపు ఎస్పీకి ఫిర్యాదు చేశారు. అయినా సంస్థ ప్రతినిధులు తమ ప్రెస్ మీట్ లో పూర్తి వివరాలు ప్రకటిస్తామని పేర్కొన్నారు.

రా ఎన్టీఆర్ సంస్థ తాము రాజకీయ పార్టీ కాదని, ఎన్జీఓ అని స్పష్టం చేసింది. ‘మా ఊరువాడ’ కార్యక్రమం సామాజిక సేవ కోసమేనని, 100 కోట్ల బడ్జెట్ ప్రచారానికి తాము బాధ్యత వహించబోమని తెలిపింది. జూనియర్ ఎన్టీఆర్ భవిష్యత్తులో ఎటువైపు నడిస్తే తాము ఆటువైపు నడుస్తామని సాయిరూప్ అన్నారు.