పాలమూరు-రంగారెడ్డి ప్రాజెక్టుకు ₹2,353 కోట్ల అదనపు వ్యయానికి కేబినెట్ ఆమోదం

పాలమూరు రంగారెడ్డి ఎత్తిపోతల పథకంలోని నాలుగు ప్యాకేజీల అంచనా వ్యయం ₹2,353 కోట్లకు పైగా పెరిగింది. సవరించిన అంచనాలకు రాష్ట్ర మంత్రివర్గం ఆమోదం తెలిపింది.

7వ ప్యాకేజీలో ₹918 కోట్లు, 11వ ప్యాకేజీలో ₹682.75 కోట్లు, 15వ ప్యాకేజీలో ₹491.85 కోట్లు, 17వ ప్యాకేజీలో ₹260.78 కోట్ల అదనపు వ్యయం పెరిగింది. 7వ ప్యాకేజీలో టన్నెల్ తవ్వకం పూర్తి కాగా, కాంక్రీట్ లైనింగ్ పనులు కొనసాగుతున్నాయి.

పనుల స్వరూపం మారడం, డిజైన్ మార్పులు, ధరల సవరణ, పన్నుల మార్పులతో వ్యయం పెరిగినట్లు నీటిపారుదల శాఖ తెలిపింది. భౌగోళిక పరిస్థితుల కారణంగా అదనపు శార్ట్ అడిట్ టన్నెల్స్ నిర్మాణం చేపట్టడం, జీఎస్టీ, చట్టబద్ధ పన్నుల కారణంగానూ వ్యయం పెరిగినట్లు పేర్కొంది.

2026 డిసెంబర్ లోపు ప్రాజెక్టును పూర్తి చేయాలన్న లక్ష్యానికి అనుగుణంగా పనులు వేగవంతం చేస్తున్నట్లు శాఖ తెలిపింది. మహబూబ్‌నగర్, రంగారెడ్డి, నల్గొండ జిల్లాల కరువు ప్రాంతాలకు సాగునీరు అందించేందుకు ఈ ప్రాజెక్టు నిర్మిస్తున్నారు.