రాయనపాడు రైల్వే స్టేషన్‌ను ₹35 కోట్లతో ఆధునీకరించి ప్రధాని మోదీ వర్చువల్‌గా ప్రారంభించారు

ప్రధాని నరేంద్ర మోదీ శుక్రవారం అమృత్ భారత్ స్టేషన్ పథకం కింద దేశవ్యాప్తంగా 75 రైల్వే స్టేషన్లను వర్చువల్‌గా ప్రారంభించారు. వీటిలో ఎన్టీఆర్ జిల్లా రాయనపాడు రైల్వే స్టేషన్ కూడా ఉంది. ఈ స్టేషన్‌ను ₹35 కోట్లతో పూర్తిస్థాయిలో ఆధునీకరించారు.

రాయనపాడు స్టేషన్ ప్రారంభోత్సవ కార్యక్రమంలో కేంద్ర మంత్రి సత్యకుమార్ యాదవ్, ఎంపీ కేశినేని చిన్ని, జిల్లా కలెక్టర్ లక్ష్మీషా, ఎమ్మెల్యే వసంత కృష్ణప్రసాద్, డీఆర్ఎం మోహిత్ సోనాకియా తదితరులు పాల్గొన్నారు.

ఈ సందర్భంగా మంత్రి సత్యకుమార్ యాదవ్ మాట్లాడుతూ, గత ఎనిమిదేళ్లలో రైల్వే బడ్జెట్, విద్యుదీకరణ గణనీయంగా పెరిగాయని, ఆంధ్రప్రదేశ్‌కు రైల్వే కేటాయింపులు ₹886 కోట్ల నుంచి ₹10,200 కోట్లకు చేరాయని తెలిపారు. రాష్ట్రంలో ₹83,000 కోట్ల విలువైన రైల్వే పనులు కొనసాగుతున్నాయని, మోదీ-చంద్రబాబు నాయుడు సంయుక్త పాలనలో ఇలాంటి అభివృద్ధి సాధ్యమైందని పేర్కొన్నారు.