రాయిదుర్గంలో ఎకరా ₹237 కోట్లు — హైదరాబాద్ కొత్త రికార్డు

హైదరాబాద్ రాయిదుర్గంలో ప్రభుత్వ భూమి వేలంలో ఎకరాకు ₹237 కోట్లు పలికింది. TGIIC నిర్వహించిన ఈ వేలంలో ప్లాట్ నంబర్ 1A మరియు 1F అమ్మకానికి వచ్చాయి. ప్రభుత్వం నిర్ణయించిన ధర ఎకరాకు ₹139 కోట్లు. అంటే బేస్ ప్రైస్ కంటే 70% కంటే ఎక్కువకు అమ్మకమైంది. ఈ వేలం ద్వారా ప్రభుత్వ ఖజానాకు ₹1,490 కోట్లకు పైగా ఆదాయం వచ్చింది.

గత సంవత్సరం ఇదే రాయిదుర్గంలో జరిగిన తొలి విడత వేలంలో ఎకరాకు ₹117 కోట్లు పలికింది. రెండో విడతలో ₹141 కోట్లు వచ్చింది. ఇప్పుడు ₹237 కోట్లతో మరో కొత్త రికార్డు నమోదైంది.

దేశవ్యాప్తంగా ప్రభుత్వ భూముల వేలంలో అత్యధిక ధరలు పలికిన జాబితాలో టాప్ 10లో మొదటి ఐదు స్థానాలు హైదరాబాద్ వే. 2023లో కోకాపేటలో HMDA వేలంలో ఎకరా ₹100 కోట్ల మార్కు దాటింది. Housing Board వేలంలో కూకట్‌పల్లిలో ఎకరా ₹70 కోట్లు పలికింది. పోలిక చూస్తే, 2022లో ముంబైలో MMRDA వేలంలో ఎకరాకు ₹65 కోట్లు, 2021లో ₹58 కోట్లు వచ్చాయి. 2023లో ఢిల్లీలో ₹50 కోట్లు, 2024లో నోయిడాలో ₹45 కోట్లు పలికాయి.

జూన్ మొదటి వారంలో అదే రాయిదుర్గం ప్రాంతంలో మరో 5.09 ఎకరాలకు TGIIC వేలం నిర్వహించనుంది.