వాన నీటిని భూమిలోకి ఇంకించే ఇంకుడు గుంతలతో భూగర్భ జలాలు పెరుగుదల

నగరాల్లో కాంక్రీట్ నిర్మాణాలు పెరిగిపోవడంతో వర్షపు నీరు భూమిలో ఇంకే అవకాశం తగ్గింది. ఈ సమస్యకు పరిష్కారంగా ఇంటికో ఇంకుడు గుంత ఏర్పాటు చేసుకోవడం ద్వారా భూగర్భ జలాలు పెరగడంతో పాటు వరద ముప్పును తగ్గించవచ్చు.

వర్షపు నీటిని సంరక్షించడానికి 300 గజాలు అంతకంటే ఎక్కువ స్థలం ఉన్న నిర్మాణాల్లో ఇంకుడు గుంత తప్పనిసరి. 100 చదరపు మీటర్ల పైకప్పు ఉన్న ఇంట్లో రోజుకు సుమారు 2000 లీటర్ల వాన నీరు పడే అవకాశం ఉంటుంది. ఈ నీరు భూమిలోకి ఇంకేందుకు కేవలం 6 చదరపు మీటర్ల ఇంకుడు గుంత సరిపోతుంది.

నీరు లేని బోర్లను కూడా ఇంకుడు గుంతలుగా మార్చుకోవచ్చు. దీనివల్ల సాధారణ ఇంకుడు గుంత కంటే 5 నుంచి 10 రెట్లు ఎక్కువ నీరు భూమిలోకి చేరుతుంది. ఎండిన బోర్లు మళ్లీ నీటిని అందించే అవకాశం ఉంటుంది.

ప్రస్తుతం ఋతుపవనాల కాలం నడుస్తోంది. ఈ సమయంలో ఇంకుడు గుంతలు నిర్మించుకోవడం వల్ల వర్షాకాలంలో నీటి ఎద్దడి నుంచి ఉపశమనం లభిస్తుంది. వాన నీరు స్వచ్ఛంగా ఉండటంతో పాటు రోడ్లపై వరద నీటి ప్రవాహం తగ్గుతుంది.