మెరు ఇంటర్నేషనల్ స్కూల్ ప్రావీణ్య 2026లో విద్యార్థుల ప్రోటోటైప్‌ల ప్రదర్శన

హైదరాబాద్‌లోని మెరు ఇంటర్నేషనల్ స్కూల్ నిర్వహించిన ప్రావీణ్య 2026 ప్రదర్శనలో విద్యార్థులు తాము తయారు చేసిన ప్రోటోటైప్‌లను ప్రదర్శించారు. మానవ సంక్షోభాలకు సాంకేతిక పరిష్కారాలను చూపించే ప్రయత్నం ఇది.

యుద్ధ సమయాల్లో ఎదురయ్యే సవాళ్లు, అత్యవసర వైద్యం, తాత్కాలిక ఆశ్రయం, ఆహార భద్రత వంటి అంశాలపై విద్యార్థులు ప్రోటోటైప్‌లు రూపొందించారు. ఈ ప్రదర్శనలో ఆ ప్రోటోటైప్‌లు విశేషంగా ఆకట్టుకున్నాయి.

చిన్న వయసు నుంచే సమస్య పరిష్కార నైపుణ్యాలు, నాయకత్వ లక్షణాలు పెంచడమే తమ లక్ష్యమని పాఠశాల డైరెక్టర్ మేఘనా గోరుకంటి జూపల్లి తెలిపారు. విద్యార్థుల్లో ప్రతిభను వెలికి తీయడమే తమ లక్ష్యమని ఆమె అన్నారు.

ప్రావీణ్య కార్యక్రమాన్ని ఐదేళ్ల క్రితం ప్రారంభించినట్లు ఆమె తెలిపారు. వయసుతో సంబంధం లేకుండా ఏ విద్యార్థి అయినా ఒక ఆలోచనను ప్లాన్ చేసి, దాన్ని అమలు చేసి product లేదా service రూపంలో తయారు చేయవచ్చని ఆమె చెప్పారు. ప్రపంచ స్థాయి సమస్యలను పరిష్కరించడం ద్వారానే గ్లోబల్ స్థాయికి చేరుకోగలమని పాఠశాల భావిస్తోంది.

ప్రతిభ కనబరిచిన విద్యార్థి బృందాలకు ఈ కార్యక్రమంలో పురస్కారాలు అందజేశారు.