రంగారెడ్డి జిల్లాలో కల్తీ పాలు తయారీ యూనిట్‌పై మహేశ్వరం SOT దాడి

రంగారెడ్డి జిల్లా ఇబ్రహీం పట్నం మండలం పోచారం గ్రామంలో కల్తీ పాలు తయారీ యూనిట్‌పై పోలీసులు దాడి చేశారు. ఓ ఇంట్లో అక్రమంగా కల్తీ పాలు తయారు చేస్తున్నట్లు పోలీసులు గుర్తించారు.

మహేశ్వరం SOT పోలీసులు అందిన సమాచారం మేరకు దాడి నిర్వహించారు. పోచారం గ్రామానికి చెందిన శ్రీశైలం పాల వ్యాపారం చేస్తున్నారు. ఆయన ఇంట్లో దాడి చేయగా కల్తీ పాలు తయారీ వెలుగులోకి వచ్చింది.

పాలలో హైడ్రోజన్ పెరాక్సైడ్, పాలపొడి కలిపి కల్తీ పాలు తయారు చేస్తున్నట్లు పోలీసులకు సమాచారం అందింది. ఈ పాలు హైదరాబాద్‌లోని వినియోగదారులకు సరఫరా అవుతున్నట్లు పోలీసులు గుర్తించారు.

దాడిలో 100 లీటర్ల కల్తీ పాలు, 1 లీటర్ హైడ్రోజన్ పెరాక్సైడ్, ఒక కిలో చొప్పున 30 పాలపొడి ప్యాకెట్లను స్వాధీనం చేసుకున్నారు.

శ్రీశైలాన్ని అదుపులోకి తీసుకుని విచారణ చేపట్టారు.