రణ్వీర్ సింగ్ ₹325 కోట్ల పారితోషకంతో ఇండియాలో అత్యధిక పారితోషకం అందుకుంటున్న నటుడిగా నిలిచాడు

నటుడు రణ్వీర్ సింగ్ ఒక కొత్త చిత్రానికి సుమారు ₹325 కోట్ల పారితోషకం అందుకోబోతున్నట్లు బాలీవుడ్ వర్గాలు చెప్పుకొస్తున్నాయి. ఈ డీల్ నిజమైతే, భారతీయ సినీ పరిశ్రమలో అత్యధిక పారితోషకం అందుకున్న నటుడిగా రణ్వీర్ నిలుస్తాడు.

'ధురంధర్' చిత్రం విడుదలకు ముందు రణ్వీర్ సింగ్ పారితోషకం కేవలం ₹50 కోట్లు మాత్రమే ఉండేది. అయితే, ధురంధర్ సినిమాల విడుదల తర్వాత లాభాల్లో వాటా పద్ధతిలో రణ్వీర్ ₹300 కోట్లకు పైగా సంపాదించినట్లు సమాచారం. ఇప్పుడు తన కొత్త చిత్రానికి కూడా అదే లాభాల వాటా విధానాన్ని అమలు చేస్తున్నారు.

రణ్వీర్ సింగ్ కొత్తగా 'ప్రళయం' అనే చిత్రంలో నటించనున్నాడు. జై మహతా దర్శకత్వంలో రూపొందుతున్న ఈ చిత్రం జాంబీల ప్రపంచంలో సాగే సాహస కథగా ఉంటుందని తెలుస్తోంది.

షారుక్, రజినీ, అల్లు అర్జున్, ప్రభాస్ వంటి పాన్‌-ఇండియా స్టార్లు ఇప్పటికే లాభాల వాటా పద్ధతిలో వందల కోట్ల రూపాయలు అందుకుంటున్నారు. రణ్వీర్ సింగ్ ఇప్పుడు వారి సరసన చేరాడు.