రాప్తాడు బాలికపై దాడి కేసు: నిందితుడు ధర్మవరం వద్ద అరెస్టు

రాప్తాడులో బాలికపై జరిగిన దాడి కేసులో నిందితుడిని పోలీసులు అరెస్టు చేశారు. ధర్మవరం రైల్వే స్టేషన్ సమీపంలో అతన్ని పట్టుకున్నట్టు పోలీసులు తెలిపారు.

దాడి తర్వాత నిందితుడు బైక్‌పై పారిపోయాడు. ఫోన్‌లో మాట్లాడుతూ బైక్‌పై వెళ్తున్న అతని CCTV ఫుటేజ్ బయటపడింది. ఉదయం 10:30 గంటలకు బాలిక స్కూల్‌కు వెళ్తుండగా ఈ దాడి జరిగింది. రంపంతో దాడి చేసి ఆమెను తీవ్రంగా గాయపరిచినట్టు సమాచారం.

నిందితుడు నాగులూరు గ్రామానికి చెందినవాడు. సుమారు 10 ఏళ్ల క్రితం అతను అయ్యవారిపల్లికి వచ్చాడు. తల్లిదండ్రులు చనిపోవడంతో సోదరి ఇంట్లో ఉంటున్నాడు.

ఈ ఘటనపై ముఖ్యమంత్రి చంద్రబాబు నాయుడు స్పందించారు. బాధిత బాలిక తల్లితో ఫోన్‌లో మాట్లాడారు. మెరుగైన వైద్యం అందించాలని, నిందితుడికి కఠిన శిక్ష విధిస్తామని ఆయన చెప్పారు. మంత్రి నారా లోకేష్, హోమ్ మంత్రి, స్థానిక ఎమ్మెల్యే సునీత కూడా సంఘటనపై స్పందించారు.

ఘటనను మహిళా కమిషన్ చైర్‌పర్సన్ రాయిపాట శైలజ ఖండించారు. బాధితురాలికి న్యాయం జరిగేలా చూస్తామని ఆమె తెలిపారు. విద్యార్థులు, ఉపాధ్యాయులకు కౌన్సెలింగ్ ఇవ్వాల్సిన అవసరం ఉందని కమిషన్ పేర్కొంది.