రవితేజ 'ఇరుముడి' సెకండ్ సింగిల్ ఆగస్టు 3న విడుదల

నటుడు రవితేజ ప్రధాన పాత్రలో నటిస్తున్న చిత్రం 'ఇరుముడి'. ఈ సినిమా నుంచి రెండో పాట విడుదల తేదీని నిర్మాతలు ప్రకటించారు.

'యాలో యాలో' అనే ఈ పాటను ఆగస్టు 3న ఉదయం 11.07 గంటలకు విడుదల చేస్తున్నట్లు తెలిపారు. ఈ సందర్భంగా ఒక ఫ్యామిలీ పోస్టర్‌ను విడుదల చేశారు.

శివ నిర్వాణ దర్శకత్వంలో రూపొందుతున్న ఈ చిత్రానికి జీవీ ప్రకాష్ కుమార్ సంగీతం అందిస్తున్నారు. మైత్రి మూవీ మేకర్స్ ఈ సినిమాను నిర్మిస్తోంది. ఇప్పటికే విడుదలైన మొదటి సింగిల్‌కు ప్రేక్షకుల నుంచి మంచి స్పందన లభించింది.

'ఇరుముడి' తెలుగు, తమిళ భాషల్లో ఆగస్టు 21న థియేటర్లలో విడుదల కానుంది.