తెనాలిలో రెడ్ క్రాస్ రోటరీ బ్లడ్ బ్యాంక్ ప్రారంభించిన మంత్రి నాదెండ్ల మనోహర్

తెనాలిలో రెడ్ క్రాస్ రోటరీ రక్తధి కేంద్రాన్ని ఆంధ్రప్రదేశ్ పౌర సరఫరాలు, వినియోగదారుల వ్యవహారాల శాఖ మంత్రి నాదెండ్ల మనోహర్ ప్రారంభించారు.

ఈ కార్యక్రమంలో ఎమ్మెల్సీ రాజేంద్ర ప్రసాద్, పొలూరు ప్రాంతానికి చెందిన ప్రజాప్రతినిధులు పాల్గొన్నారు. సామాజిక సేవలో విశేష కృషి చేస్తున్న రామచంద్రరాజు, భానుమతి దంపతులను మంత్రి ప్రత్యేకంగా అభినందించారు.

ఈ సందర్భంగా మంత్రి మాట్లాడుతూ, తెనాలి జిల్లా ఆసుపత్రిని ఏడాదిలోగా 300 పడకల ఆసుపత్రిగా అభివృద్ధి చేస్తామని తెలిపారు. రక్తం కొరత లేకుండా రెడ్ క్రాస్ ఆధ్వర్యంలో నిరంతరం రక్తదాన శిబిరాలు నిర్వహించాలని సూచించారు.

ఈ బ్లడ్ బ్యాంక్ ఏర్పాటు కోసం దాతలు రూ.5.17 లక్షలు విరాళంగా ఇచ్చారని, నిధులు సరిపోకపోవడంతో భానుమతి సొంత డబ్బు నుండి రూ.8 లక్షలు అందించారని మంత్రి వివరించారు. అలాగే గుంటూరు జిల్లాతో పాటు దేశవ్యాప్తంగా సేవా కార్యక్రమాలు నిర్వహిస్తున్న “వర్ధమాన్” రవిని మంత్రి అభినందించారు.

చివరగా, ఈ కార్యక్రమం విజయవంతం కావడంలో కృషి చేసిన అందరికీ మంత్రి ధన్యవాదాలు తెలిపారు.