రేణుకా చౌదరి వ్యాఖ్యలపై టీపీసీసీ చీఫ్ మహేష్ గౌడ్ ఆరా; బీఆర్ఎస్ నేతలు తమ వైపు చూస్తున్నారని వివరణ

తెలంగాణ ప్రదేశ్ కాంగ్రెస్ కమిటీ (టీపీసీసీ) చీఫ్ మహేష్ కుమార్ గౌడ్ రాజ్యసభ సభ్యురాలు రేణుకా చౌదరిని ఫోన్ చేసి, ఆమె ఇటీవల చేసిన వ్యాఖ్యలపై వివరణ కోరారు. తన మాటలు వక్రీకరించారని రేణుకా చౌదరి ఆయనకు తెలిపారు.

నిన్న ఎమ్మెల్యే మీనాక్షి నటరాజన్ ఇంటికి కాంగ్రెస్ నేతలు వచ్చిన సమయంలో ఆమె మీడియాతో మాట్లాడుతూ, ప్రతిపక్ష పార్టీ బీఆర్ఎస్ పోటీగా ఉందని మాత్రమే చెప్పానని, ఆ పార్టీ పుంజుకుంటోందని తాను అనలేదని రేణుకా చౌదరి వివరించినట్టు తెలిసింది. బీఆర్ఎస్ నాయకులు తమ వైపు చూస్తున్నారనే ఉద్దేశ్యంతో ఆ మాట చెప్పానని, అయినా ఆ వ్యాఖ్యల్ని కావాలని తప్పుగా ప్రచారం చేశారని ఆమె ఆరోపించారు.

ఈ అంశంపై టీపీసీసీ చీఫ్ మహేష్ గౌడ్ రేణుకా చౌదరికి ఫోన్ చేసి, ఎందుకలా మాట్లాడాల్సి వచ్చిందని ప్రశ్నించారు. తాను అలా మాట్లాడలేదని, తన మాటల్ని వక్రీకరించారనే సమాధానం ఇచ్చారు. ఇదిలా ఉండగా, ఈ మధ్య కాలంలో కాంగ్రెస్ పార్టీలో ఇలాంటి పరిణామాలు తరచూ కనిపిస్తున్నాయని, అంతర్గత సమస్యల నేపథ్యంలో గాంధీ భవన్‌లో డీసీసీ అధ్యక్షులతో మీటింగ్ జరుగుతోంది. ఈ సమావేశంలో మంత్రులు, ఎమ్మెల్యేలు, డీసీసీ అధ్యక్షులు గత ఆరు నెలల పనితీరుపై సమీక్ష చేపట్టనున్నారు.