మంచిర్యాలలో వర్షం కోసం కప్పతల్లి ఆటలు, ప్రత్యేక పూజలు

మంచిర్యాల జిల్లా బెల్లంపల్లి మండలం బూదాకూర్దు గ్రామంలో రైతులు వర్షం కోసం కప్పతల్లి ఆటలు ఆడారు. వరుణదేవుడికి ప్రత్యేక పూజలు కూడా చేశారు. మహిళలు, చిన్నారులు కూడా ఇందులో పాల్గొన్నారు.

ఈ ప్రాంతంలో ఈ సంవత్సరం వర్షాలు తక్కువగా ఉన్నాయి. కరువు పరిస్థితులు ఏర్పడ్డాయని రైతులు చెప్తున్నారు. వర్షాలు కురిసి పంటలు బాగా పండాలని ఈ సంప్రదాయ ఆటలు నిర్వహించారు.

గ్రామానికి చెందిన సత్యనారాయణ మాట్లాడుతూ, 'కప్పతల్లి ఆడితే వర్షాలు పడతాయని పూర్వీకుల నుంచి నమ్మకం ఉంది. ఈ ఏడాది వర్షాలు లేవు. అందుకే ఈ ఆటలు నిర్వహించాం. ఖచ్చితంగా వర్షాలు వస్తాయని ఆశిస్తున్నాం' అని అన్నారు. ఇది తాత ముత్తాతల నుంచి వస్తున్న ఆచారమని, గతంలో కూడా ఇలా చేసినప్పుడు వర్షం వచ్చిందని ఆయన తెలిపారు. గ్రామస్తులు అంతా కలిసి ఈ కార్యక్రమాన్ని చేపట్టారు.