తిరుమలలో TTDకి ఒకేరోజు రూ.97 కోట్ల రికార్డు విరాళాలు

తిరుమల తిరుపతి దేవస్థానం (TTD) కి నిన్న ఒక్క రోజే భారీ స్థాయిలో విరాళాలు లభించాయి. దాదాపు 96.98 కోట్ల రూపాయల విరాళాలు వచ్చాయి. ఇది ఒక రోజు విరాళాల్లో రికార్డు.

ఆన్లైన్ ద్వారా 2,354 మంది, ఆఫ్లైన్ ద్వారా 106 మంది భక్తులు విరాళాలు సమర్పించారు. వీరిలో 212 మంది రూ. లక్ష నుంచి రూ.10 లక్షల లోపు, 1,246 మంది రూ.10 లక్షల నుంచి రూ.25 లక్షల లోపు విరాళాలు ఇచ్చారు. ఇద్దరు భక్తులు రూ.కోటి దాటి విరాళం అందించారు.

నేటి నుండి అమల్లోకి వస్తున్న కొత్త డోనర్ పాలసీ కారణంగా నిన్న పెద్ద మొత్తంలో విరాళాలు వచ్చాయి. సామాన్య భక్తుల భవిష్యత్ దర్శనాలను దృష్టిలో ఉంచుకుని, టీటీడీ దాతలకు ఇస్తున్న కొన్ని సదుపాయాలు తగ్గించడమే ఈ కొత్త విధానం. జూన్ 26 నాటికి టీటీడీలో 19,788 మంది నమోదిత దాతలు ఉన్నారు.