మహబూబ్‌నగర్‌లో అమరరాజా బ్యాటరీ ప్లాంట్‌ను ప్రారంభించిన సీఎం రేవంత్ రెడ్డి

తెలంగాణ ముఖ్యమంత్రి రేవంత్ రెడ్డి మహబూబ్‌నగర్ జిల్లాలో అమరరాజా బ్యాటరీ తయారీ కేంద్రాన్ని ప్రారంభించారు. సంస్థ తన సొంత జిల్లా, సొంత రాష్ట్రం బయట ఇదే తొలి పెట్టుబడి.

ఈ సందర్భంగా సీఎం మాట్లాడారు. ఈవీ బ్యాటరీ రంగంలో అమరరాజా గ్లోబల్ కంపెనీలతో పోటీపడుతోందని, ముఖ్యంగా చైనాతో పోటీ ఉంటుందని ఆయన అన్నారు. చైనా రేర్ మినరల్స్, బ్యాటరీ సాంకేతికతపై ఆధిపత్యం కలిగి ఉందని, ఆ దేశంతో పోటీలో నిలవడానికి అమరరాజా ప్రయత్నిస్తోందని వివరించారు.

జపాన్, జర్మనీ, దక్షిణ కొరియా దేశాలు కూడా ఈ రంగంలో పోటీలో ఉన్నాయని ఆయన పేర్కొన్నారు. అమరరాజా యాజమాన్యాన్ని అందరూ సమర్ధించాలని సీఎం పిలుపునిచ్చారు.