మూసీ పునరుద్ధరణలో ఎవరికీ నష్టం జరగదని CM రేవంత్ రెడ్డి హామీ

మూసీ నది పునరుద్ధరణ ప్రక్రియలో ఎవరికీ నష్టం జరగకుండా ప్రభుత్వం బాధ్యత తీసుకుంటుందని ముఖ్యమంత్రి రేవంత్ రెడ్డి అన్నారు.

నదిని పునరుద్ధరించి అభివృద్ధి చేయాల్సిందేనని ఆయన తెలిపారు. ఈ ప్రక్రియలో ఎవరికీ ఇబ్బంది కలగకుండా ఆదుకునే బాధ్యత ప్రభుత్వానికి, ప్రజా ప్రతినిధులకు ఉందని చెప్పారు. రాజకీయ భేదాలు పక్కన పెట్టి సహకరించాలని విజ్ఞప్తి చేశారు.

ఈ సందర్భంగా దక్షిణ కొరియా ఉదాహరణను ఆయన పేర్కొన్నారు. మూసీ కంటే ఎక్కువ కలుషితమైన నదిని అక్కడ అభివృద్ధి చేశారని చెప్పారు. దాని ద్వారా లక్షల కోట్ల ఆర్థిక వ్యవస్థ, 24 గంటల వ్యాపారాలు అక్కడ నడుస్తున్నాయని తెలిపారు.

లేక్ ఎకానమీ, నైట్ ఎకానమీ ఉన్న నగరాలు, దేశాలు అభివృద్ధి వైపు నడిచాయని ఆయన అన్నారు. హైదరాబాద్, తెలంగాణను 21వ శతాబ్దం వైపు తీసుకెళ్లాల్సిన బాధ్యత అందరిపై ఉందని చెప్పారు. రాజకీయాలకు అతీతంగా అందరూ ఒకే వేదికపై రావాలని ఆయన కోరారు.