ఫీజు రీయింబర్స్మెంట్ బకాయిలు: రూ.8,000 కోట్లు తీరుస్తాం, ఏటా వెంటనే చెల్లిస్తాం: సీఎం రేవంత్

తెలంగాణ ముఖ్యమంత్రి రేవంత్ రెడ్డి ఫీజు రీయింబర్స్మెంట్ అంశంపై కీలక ప్రకటన చేశారు. గత బీఆర్ఎస్ ప్రభుత్వం హయాంలో ఫీజు రీయింబర్స్మెంట్ కింద సుమారు రూ.8,000 కోట్లు బకాయిలు పడ్డాయని ఆయన తెలిపారు.

ఈ బకాయిలను తాము తీర్చే ప్రయత్నం చేస్తున్నామని, ఇకపై ప్రతి సంవత్సరం ఆ సంవత్సరపు ఫీజు రీయింబర్స్మెంట్ను ఆ ఏడాదిలోనే పూర్తిగా చెల్లిస్తామని ముఖ్యమంత్రి హామీ ఇచ్చారు. దీని కోసం ఏటా రాష్ట్ర ప్రభుత్వానికి రూ.2,200 కోట్ల నుంచి రూ.2,400 కోట్ల వరకు అవసరమవుతాయని అంచనా వేసినట్టు వెల్లడించారు.

ఫీజు రీయింబర్స్మెంట్ దుర్వినియోగం చేసిన కొన్ని విద్యాసంస్థలపై విజిలెన్స్ అండ్ ఎన్ఫోర్స్మెంట్ దర్యాప్తు జరుగుతోందని, నిజమైన లబ్ధిదారులందరికీ నిధులు చేరేలా చర్యలు తీసుకుంటామని ముఖ్యమంత్రి తెలిపారు. ఈ విషయంపై బీఆర్ఎస్ నాయకుల స్పందన తెలియాల్సి ఉంది.