రేవంత్ రెడ్డి సభకు తొర్రూరు ఆర్టీసీ డిపో నుంచి 70 బస్సులు మళ్లింపు

మహబూబాబాద్ జిల్లా తొర్రూరు ఆర్టీసీ డిపో పరిధిలోని 94 బస్సుల్లో 70 బస్సులను సీఎం రేవంత్ రెడ్డి రైతు సభ కోసం ఖమ్మంకు తరలించారు.

ఈ కారణంగా నిత్యం ప్రయాణించే ప్రయాణికులు తీవ్ర ఇబ్బందులు ఎదుర్కొన్నారు. తొర్రూరు నుంచి వరంగల్, హైదరాబాద్, ఖమ్మం, మహబూబాబాద్ తదితర ప్రాంతాలకు వెళ్లాల్సిన ప్రయాణికులు బస్సుల కోసం గంటల తరబడి ఎదురుచూశారు.

బస్సులు లేకపోవడంతో ప్రైవేట్ వాహనదారులు ఎక్కువ ఛార్జీలు వసూలు చేశారని ప్రయాణికులు తెలిపారు. మిగిలిన కొన్ని బస్సుల్లో ప్రయాణికులు కిక్కిరిసిపోయారు.

RTC అధికారులు దీనిపై ఇప్పటివరకు స్పందించలేదు.