తెలంగాణ: రైతు భరోసా తొలి విడతగా రూ.2,482 కోట్ల నిధులు విడుదల

తెలంగాణ ముఖ్యమంత్రి రేవంత్ రెడ్డి రైతు భరోసా పథకం కింద తొలి విడత నిధులను విడుదల చేశారు. 41 లక్షల మంది రైతుల ఖాతాల్లో రూ.2,482 కోట్లను ప్రభుత్వం నేరుగా జమ చేసింది.

ఒక ఎకరం వరకు భూమి కలిగిన 14.65 లక్షల మంది రైతులకు రూ.878.94 కోట్లు, రెండు ఎకరాల వరకు ఉన్న 26.72 లక్షల మంది రైతులకు రూ.1,603 కోట్లు విడుదలైనట్లు అధికారులు తెలిపారు.

ఈ సాయం వానాకాలం సీజన్ కోసం కాగా, ప్రభుత్వం మొత్తం రూ.9,000 కోట్ల నిధులు సమీకరించింది. ఈ ఏడాది మొదటి విడతలో రూ.6,000 సాయం అందగా, ఇప్పుడు రెండో విడతగా మరో రూ.6,000 సాయం అందించింది.

ఒక ఎకరం, రెండు ఎకరాలు, మూడు ఎకరాల వారీగా తొమ్మిది రోజుల పాటు దశలవారీగా నిధులు రైతుల ఖాతాల్లో జమ కానున్నాయి. 70 లక్షల మందికి పైగా రైతులు ఈ పథకం ద్వారా లబ్ధి పొందనున్నారు.