దేశ GDPలో తెలంగాణ వాటా 10 శాతానికి పెంచాలనేదే లక్ష్యం: సీఎం రేవంత్ రెడ్డి

తెలంగాణ ముఖ్యమంత్రి రేవంత్ రెడ్డి దేశ జీడీపీలో రాష్ట్రం వాటాను ప్రస్తుత 5 శాతం నుంచి 10 శాతానికి పెంచాలనే లక్ష్యాన్ని ప్రకటించారు. దీని కోసం ‘తెలంగాణ రైజింగ్ 2047’ పేరుతో ప్రత్యేక పాలసీ రూపొందించినట్టు తెలిపారు.

ఈ పాలసీ రూపకల్పనలో ISB, NALSAR వంటి సంస్థలతో పాటు అడోబ్ సీఈఓ శంతను నారాయణ్, ప్రపంచ బ్యాంకు చైర్మన్ అజయ్ బంగా, మైక్రోసాఫ్ట్ సీఈఓ సత్య నాదెళ్ల, మాజీ రిజర్వ్ బ్యాంకు గవర్నర్ రంగనాథన్ వంటి అంతర్జాతీయ నిపుణులను భాగస్వాములను చేశామని సీఎం వెల్లడించారు.

2025 డిసెంబరులో ఈ పాలసీని అంకితం చేశామని, సింగిల్ విండో అనుమతులు, భూములు, ప్రోత్సాహకాలు ఇవ్వడం ద్వారా పెట్టుబడిదారులకు విశ్వాసం కల్పిస్తున్నామని చెప్పారు. ఈ సందర్భంగా భారత్ ఫ్యూచర్ సిటీలో అమెజాన్ సంస్థ పెట్టుబడుల గురించి ప్రస్తావిస్తూ, ప్రస్తుతం 14 ఏళ్లలో 7 బిలియన్ డాలర్ల పెట్టుబడి ప్రణాళిక సరిపోదని, 2034 నాటికి కనీసం లక్ష కోట్ల రూపాయలు పెట్టుబడి పెట్టాలని సూచించారు.

అమెజాన్ ప్రతినిధులు అనురాగ్, విక్రమ్‌లతో సమావేశమైన సీఎం, ప్రతి నెలా ఈ పెట్టుబడుల పురోగతిని సమీక్షిస్తానని హామీ ఇచ్చారు. తమ అవసరాలను మంత్రులకు, చీఫ్ సెక్రటరీకి, సలహాదారు రామకృష్ణారావుకు తెలియజేయాలని సూచించారు.