TSRTC రిటైర్డ్ ఉద్యోగుల నిరసన; పెండింగ్ బెనిఫిట్స్ వెంటనే చెల్లించాలని డిమాండ్

హైదరాబాద్ లోని బస్ భవన్ వద్ద TSRTC రిటైర్డ్ ఉద్యోగులు సోమవారం నిరసన ప్రదర్శన నిర్వహించారు. రెండున్నరేళ్లుగా పెండింగ్ లో ఉన్న తమ రిటైర్మెంట్ బెనిఫిట్స్ వెంటనే చెల్లించాలని డిమాండ్ చేశారు.

బెనిఫిట్స్ ఇవ్వని కారణంగా ఇప్పటికే కొంతమంది రిటైర్డ్ ఉద్యోగులు మరణించారని, మెడికల్ బెనిఫిట్స్ లేక తీవ్ర ఆర్థిక ఇబ్బందులు పడుతున్నామని ఆందోళనకారులు ఆవేదన వ్యక్తం చేశారు. తార్నాక ఆసుపత్రిని మెరుగుపరచాలని, కనీస పెన్షన్‌గా ₹7,500 ఇవ్వాలని, సూపర్ లగ్జరీ సర్వీస్ లో ఉచిత ప్రయాణం కోసం పాస్ కల్పించాలని కూడా వారు డిమాండ్ చేశారు.

భారీ సంఖ్యలో పోలీసులు మోహరించడంతో నిరసన శాంతియుతంగా జరిగింది. ప్రభుత్వం తమ డిమాండ్లపై ఇంకా స్పందించలేదని, రెండున్నరేళ్లుగా ఎదురుచూస్తున్నామని RTC మాజీ ఉద్యోగులు పేర్కొన్నారు.