రుద్రారంలో పరిశ్రమల కాలుష్యంతో చెరువులో భారీగా చేపల మృతి; 250 కుటుంబాల జీవనోపాధికి ముప్పు

సంగారెడ్డి జిల్లా రుద్రారంలోని పెద్ద చెరువులో పరిశ్రమల నుంచి వచ్చే కలుషిత జలాలతో భారీగా చేపలు మృత్యువాత పడ్డాయి. చేపల పెంపకంపై ఆధారపడిన సుమారు 250 ముదిరాజు కుటుంబాలు తీవ్ర నష్టం వాటిల్లింది.

ఈ ప్రాంతంలో దాదాపు 30 నుంచి 40 ప్రమాదకర పరిశ్రమలు ఉన్నాయి. ఇవి తమ వ్యర్థ జలాలను సమీపంలోని 140 ఎకరాల విస్తీర్ణంలో ఉన్న పెద్ద చెరువులోకి వదులుతున్నాయని స్థానికులు ఆరోపిస్తున్నారు. వర్షాలు పడినప్పుడు ఈ కెమికల్స్ చెరువులో కలిసి చేపలు, చేప పిల్లలు మృతి చెందుతున్నాయి. ప్రతి వానకాలంలో ఇదే పరిస్థితి ఎదురవుతోంది.

ఈ చెరువు నుంచి గతంలో 200 నుంచి 300 ఎకరాల వ్యవసాయ భూములు సాగు చేసేవారు. కానీ కలుషిత నీటి కారణంగా ఇప్పుడు పంటలు పండించే పరిస్థితి లేదు. భూగర్భ జలాలు కూడా కలుషితమై 150-200 అడుగుల లోతులో ఉన్న బోర్లలో కూడా రసాయనాలు వస్తున్నాయి. తాగునీటికి కూడా ఇబ్బంది ఎదురవుతోంది.

స్థానికులు నీటిపారుదల, కాలుష్య నియంత్రణ శాఖలకు ఫిర్యాదు చేశారు. అయితే అధికారులు స్పందించలేదు. ఈ పరిస్థితి ఇలాగే కొనసాగితే రాబోయే 10 ఏళ్లలో గ్రామంలో నివసించడం కూడా కష్టమవుతుందని గ్రామస్తులు ఆందోళన వ్యక్తం చేస్తున్నారు. ఈ విషయంపై పరిశ్రమల, సంబంధిత అధికారుల స్పందన తెలియాల్సి ఉంది.