రష్యాలోని మూడు ఆయిల్ రిఫైనరీలపై యూక్రెయిన్ డ్రోన్ దాడులు

రష్యాలోని మూడు ఆయిల్ రిఫైనరీలు, ఒక గ్యాస్-కెమికల్ కాంప్లెక్స్‌ను లక్ష్యంగా చేసుకుని రాత్రి పూట డ్రోన్ దాడులు జరిగాయి. దాడి తర్వాత కొన్ని యూనిట్లలో మంటలు చెలరేగి భారీ పొగ ఆకాశంలోకి ఎగిసింది. లభించిన సమాచారం ప్రకారం, ఒకేసారి నాలుగు ఆయిల్ ప్రాసెసింగ్ కేంద్రాలను లక్ష్యంగా చేసుకుని దాడులు జరిగాయి. అందులో మూడు ఆయిల్ రిఫైనరీలు, ఒక గ్యాస్-కెమికల్ కాంప్లెక్స్ ఉన్నాయి. ఒక ప్లాంట్‌లో స్వల్ప నష్టం జరిగిందని, మిగిలిన చోట్ల వైమానిక రక్షణ వ్యవస్థ పనిచేసి దాడిని ఎదుర్కొందని రష్యా వర్గాలు తెలిపాయి. గత కొంతకాలంగా రష్యా రిఫైనరీలపై దాడుల్లో విరామం నెలకొంది. తాజా దాడులతో ఆ విరామం ముగిసి, రిఫైనరీలపై దాడులు మళ్లీ ప్రారంభమైనట్లు స్పష్టమైంది. ఈ అంశంలో అమెరికా అధ్యక్షుడు ట్రంప్ పదేపదే ఒత్తిడి తెచ్చినా, ఆయన మాటను పట్టించుకోవడం లేదని చర్చలో పాల్గొన్న నిపుణులు అన్నారు. రష్యా ప్రపంచంలోని ప్రధాన ముడి చమురు సరఫరాదారుల్లో ఒకటి. భారత్ తన చమురు అవసరాలను పెద్ద మొత్తంలో దిగుమతులపై ఆధారపడి ఉంటుంది. అందువల్ల రిఫైనరీలపై దాడులు కొనసాగితే అంతర్జాతీయ చమురు మార్కెట్‌పై ఒత్తిడి పెరిగే అవకాశం ఉంది. యూరప్ అందిస్తున్న ఆయుధాల బలమే ఇలాంటి దాడులకు ఉక్రెయిన్‌కు ధైర్యం ఇస్తోందని, యూరప్ మద్దతు కొనసాగుతున్నందునే అది ముందుకు వెళ్తోందని ప్యానలిస్టులు అభిప్రాయపడ్డారు. ఒంటరిగా ఉక్రెయిన్ ఇలాంటి దాడులకు దిగి ఉండేది కాదని కూడా వారు అన్నారు.