సాయి కృష్ణ మిస్సింగ్ కేసు: టాస్క్ ఫోర్స్ ACP లతా కుమారి విచారణ

కృష్ణలంక పోలీస్ స్టేషన్లో సాయి కృష్ణ మిస్సింగ్ కేసు దర్యాప్తు కొనసాగుతోంది. కేసు విచారణ అధికారి ACP దైవప్రసాద్, టాస్క్ ఫోర్స్ ACP లతా కుమారిని ప్రశ్నిస్తున్నారు.

సాయి కృష్ణను మే 5న మార్కాపురం నుంచి తీసుకొచ్చిన తర్వాత, టాస్క్ ఫోర్స్ కార్యాలయంలో విచారించినట్లు సమాచారం రావడంతో లతా కుమారిని విచారణకు పిలిచినట్లు తెలిసింది. ఆమెను పోలీసులు రెండు గంటలకు పైగా ప్రశ్నించినట్లు సమాచారం.

ఆ రోజు టాస్క్ ఫోర్స్ కార్యాలయంలో ఏం జరిగింది, సాయి కృష్ణను ఎంతసేపు ఉంచారు, విచారణలో ఎలాంటి వివరాలు వెలుగులోకి వచ్చాయి అనే అంశాలపై లతా కుమారి దగ్గర నుంచి వివరాలు సేకరిస్తున్నట్లు తెలుస్తోంది. అలాగే CI నాగరాజు వ్యవహారంపై కూడా ప్రశ్నించే అవకాశం ఉంది.

కేసులో ఇప్పటికే పోలీసులు సాయి కృష్ణ ఇంటి వద్ద వివరాలు సేకరించారు. మిస్సింగ్ కేసు దర్యాప్తు కొనసాగుతోంది.