సాయి కృష్ణ కస్టోడియల్ మృతి: జుడిషియల్ విచారణకు తల్లి పిటిషన్పై కోర్టు విచారణ వాయిదా
సాయి కృష్ణ కస్టోడియల్ మృతి కేసులో జుడిషియల్ విచారణకు ఆదేశించాలంటూ తల్లి విజయలక్ష్మి జిల్లా కోర్టును ఆశ్రయించారు. ఆమె తరఫు న్యాయవాదులు వాదిస్తూ, పోలీసులే నిందితులుగా ఉన్న కేసును పోలీసులే దర్యాప్తు చేస్తే న్యాయం జరగదని, కాబట్టి న్యాయ విచారణ చేపట్టాలని కోరారు.
సీసీటీవీ ఫుటేజ్ ఆధారాలపై ఇంకా స్పష్టత రాలేదని, సాక్షుల నుంచి 164 స్టేట్మెంట్ ఎందుకు రికార్డు చేయడం లేదని న్యాయవాదులు ప్రశ్నించారు.
ఈ వాదనలు విన్న జిల్లా కోర్టు, కేసు తదుపరి విచారణను ఈ నెల 8వ తేదీకి వాయిదా వేసింది.
అదే కేసులో ఓ మొబైల్ ఫోన్ కీలకంగా మారింది. సాయి కృష్ణ మొబైల్ను ఎక్స్ట్రీమ్ ఫిట్నెస్ నిర్వాహకుడు సుశాంత్ అనే వ్యక్తి గోవాకు తీసుకెళ్లినట్లు సిట్ గుర్తించింది. ఇప్పటికే అరెస్టయిన ఏ2 హెడ్ కానిస్టేబుల్ అశోక్తో సుశాంత్కు సన్నిహిత సంబంధాలున్నాయని, అశోక్ చెప్పడంతోనే సుశాంత్ మొబైల్, ఆధార్ వాలెట్తో గోవా వెళ్లినట్లు సిట్ అనుమానిస్తోంది. సుశాంత్ నుంచి ఇప్పటికే స్టేట్మెంట్ రికార్డు చేసిన సిట్, గోవాలో అతడు ఏమి చేశాడు, అశోక్ ఏం చెప్పాడు, అక్కడి నుంచి ఎవరితో ఫోన్లో మాట్లాడాడు అనే అంశాలపై మరోసారి విచారిస్తోంది.
వార్త ఆధారాలు: పబ్లిక్ న్యూస్ బ్రాడ్కాస్ట్లు, అధికారిక అప్డేట్లు, ఉషా కిరణం ఎడిటోరియల్ ప్రమాణాలు.
సవరణల కోసం సంప్రదించండి: help@ushakiranam.com
