1990లో సల్మాన్ ఖాన్ రాముడిగా రామాయణం సినిమా: 40% షూటింగ్ తర్వాత నిలిచిపోయింది

ప్రస్తుతం రణ్బీర్ కపూర్ నటిస్తున్న రామాయణం సినిమా నేపథ్యంలో 1990లో సల్మాన్ ఖాన్ ప్రధాన పాత్రలో తెరకెక్కాల్సిన రామాయణం ప్రాజెక్ట్ మరోసారి చర్చలోకి వచ్చింది.

1990లో సోహేల్ ఖాన్ దర్శకత్వంలో ఈ రామాయణం సినిమా ప్రారంభమైంది. సల్మాన్ ఖాన్ శ్రీరాముడి పాత్ర పోషించగా, సోనాలి బింద్రే సీతగా నటించారు. పూజా భట్ కూడా కీలక పాత్రలో నటించారని సమాచారం. ఈ సినిమా కేవలం ప్రకటనే కాదు, దాదాపు 40% షూటింగ్ పూర్తయింది. సల్మాన్ ఖాన్ రాముడి వేషధారణలో బాణాలతో ప్రమోషన్ ఫోటోలు కూడా ఉన్నాయి.

అయితే ఆర్థిక, సాంకేతిక కారణాలతో ఈ సినిమా ఆగిపోలేదు. షూటింగ్ సమయంలో దర్శకుడు సోహేల్ ఖాన్, నటి పూజా భట్ మధ్య సన్నిహిత సంబంధం ఏర్పడిందని, దీంతో కుటుంబ సభ్యులు జోక్యం చేసుకోవడంతో పరిస్థితులు చేజేలు దాటాయని అప్పటి కథనాలు పేర్కొంటున్నాయి. సల్మాన్ ఖాన్ మధ్యవర్తిత్వం చేసినా ఫలితం లేకపోయింది. చివరకు పూజా భట్ ప్రాజెక్ట్ నుంచి తప్పుకోవడంతో సినిమా పూర్తిగా నిలిచిపోయిందని సమాచారం.