సల్మాన్ ఖాన్ 'మాతృభూమి' విడుదలపై అనిశ్చితి; చైనా పేరు తొలగింపుతో రీషూట్

సల్మాన్ ఖాన్ నటించిన 'మాతృభూమి' సినిమా విడుదలపై అనిశ్చితి నెలకొంది. 2020లో గాల్వాన్ లోయలో చైనా సైనికులతో జరిగిన ఘర్షణలో ప్రాణాలు కోల్పోయిన కర్నల్ సంతోష్ బాబు జీవిత కథ ఆధారంగా ఈ చిత్రం రూపొందింది.

తొలుత 'బ్యాటిల్ ఆఫ్ గాల్వాన్' పేరుతో తెరకెక్కించిన ఈ చిత్రాన్ని ఏప్రిల్ 17న విడుదల చేస్తామని ప్రకటించారు. అయితే చైనా పేరు ప్రస్తావన వల్ల దౌత్యపరమైన ఇబ్బందులు తలెత్తొచ్చని కేంద్రం సూచించడంతో, చిత్ర బృందం 40 శాతం రీషూట్ చేయాల్సి వచ్చింది. దీంతో ఆగస్టులో విడుదలయ్యే అవకాశం లేదు.

ప్రస్తుతం సల్మాన్ ఖాన్ వంశీ పైడిపల్లి దర్శకత్వంలో మరో చిత్రంలో నటిస్తున్నారు. ఆ చిత్రాన్ని వచ్చే రంజాన్ కు విడుదల చేయనున్నారు. 'మాతృభూమి'కి ఈ ఏడాది దసరా స్లాట్ దొరికితే విడుదల ప్రయత్నం జరుగుతుంది లేదంటే 2027 వరకు వాయిదా పడే అవకాశముంది.