సంగారెడ్డి వాయు కాలుష్యం: AQI 166కి చేరి ఢిల్లీ స్థాయికి దగ్గరగా

సంగారెడ్డి జిల్లాలో వాయు కాలుష్యం పెరిగి AQI 166కి చేరుకుంది. ఇదే సమయంలో ఢిల్లీలో AQI 170గా ఉంది.

పటాన్‌చెరువు, IDA బొల్లారం, పాశమైలారం, సంగారెడ్డి, కంది ప్రాంతాల్లో ఫార్మా, కెమికల్ పరిశ్రమలు ఎక్కువగా ఉన్నాయి. ఈ పరిశ్రమల నుంచి వచ్చే వాయువులే కాలుష్యానికి ప్రధాన కారణమని స్థానికులు చెప్తున్నారు.

సాయంత్రం నుంచి ఉదయం వరకు పరిశ్రమలు వాయువులు విడుదల చేస్తున్నాయని జిల్లావాసులు ఆరోపిస్తున్నారు. చలికాలంలో ఈ వాయువులు పైకి వెళ్లకుండా భూమి దగ్గరే నిలిచిపోతాయని వారు చెప్తున్నారు. దీంతో శ్వాసకోస సమస్యలు పెరుగుతున్నాయని, వృద్ధులు, చిన్నపిల్లలపై ఎక్కువ ప్రభావం పడుతోందని వారు తెలిపారు.

ఈ అంశంపై అధికారుల స్పందన తెలియాల్సి ఉంది. అనుమతించిన మోతాదు మించి వాయువులు విడుదల చేస్తున్న పరిశ్రమలపై కఠిన చర్యలు తీసుకోవాలని జిల్లావాసులు కోరుతున్నారు.