భారీ వర్షంతో సంగారెడ్డి జిల్లాలో వాగు ఉప్పొంగి, గైరాన్ తండా జలదిగ్బంధం

సంగారెడ్డి జిల్లా సిర్గాపూర్ మండలం గైరాన్ తండా సమీపంలో భారీ వర్షం కారణంగా స్థానిక వాగు ఉప్పొంగి ప్రవహిస్తోంది. దీంతో గ్రామానికి రాకపోకలు నిలిచిపోయాయి.

వాగుపై వంతెన లేకపోవడంతో గ్రామస్తులు తాడు సాయంతో ప్రమాదకరంగా వాగు దాటుతున్నారు. వర్షం కొనసాగుతుండటంతో నీటి ప్రవాహం మరింత పెరిగింది. చిన్నారులు, మహిళలు, వృద్ధులు సహా అందరూ ప్రాణాలకు ప్రమాదంతో కూడిన పరిస్థితిని ఎదుర్కొంటున్నారు.

వాగు దాటేందుకు ప్రత్యామ్నాయం లేకపోవడంతో గ్రామస్తులు ఇబ్బంది పడుతున్నారు. వాగుపై వంతెన నిర్మించాలని లేదా శాశ్వత ప్రత్యామ్నాయ మార్గం ఏర్పాటు చేయాలని స్థానికులు ప్రభుత్వాన్ని కోరుతున్నారు.