సంగారెడ్డి: ప్రభుత్వ ఆసుపత్రిలో డాక్టర్ స్థానంలో ప్రైవేట్ వ్యక్తి — డిప్యూటీ సివిల్ సర్జన్ సస్పెన్షన్

సంగారెడ్డి జిల్లా జోగిపేట ఏరియా ఆసుపత్రిలో డిప్యూటీ సివిల్ సర్జన్ డాక్టర్ కే. రమేష్ విధి నిర్వహణలో తీవ్ర నిర్లక్ష్యం బయటపడింది. ఈ నెల 5వ తేదీన నైట్ డ్యూటీకి డాక్టర్ రమేష్ బదులు ఒక ప్రైవేట్ వ్యక్తిని ఆసుపత్రిలో కూర్చోబెట్టినట్లు వెలుగులోకి వచ్చింది.

ఈ ఘటనపై ఆరోగ్యశాఖ మంత్రి దామోదర్ రాజు నరసింహ స్పందించారు. విచారణ చేపట్టాలని ఆదేశించారు. విచారణ కమిటీ ఆరోపణలు నిజమేనని నిర్ధారించింది. దీంతో ప్రభుత్వం డాక్టర్ రమేష్‌ను సస్పెండ్ చేస్తూ ఉత్తర్వులు జారీ చేసింది.

అలాగే, రమేష్ స్థానంలో కూర్చున్న ప్రైవేట్ వ్యక్తిపై క్రిమినల్ చర్యలు తీసుకోవాలని ఆరోగ్యశాఖ నిర్ణయించింది. ఆ ప్రైవేట్ వ్యక్తి వివరాలను సమర్పించాలని సంగారెడ్డి జిల్లా ఆసుపత్రి సూపరింటెండెంట్‌ను ప్రభుత్వం ఆదేశించింది. ఆసుపత్రి సూపరింటెండెంట్‌పై శాఖాపరమైన చర్యలు తీసుకుంది.