కాంగ్రెస్ ఎమ్మెల్యే ప్రకాష్ గౌడ్పై కుమారుడి ప్రాణాపాయం ఆరోపణలు

రాజేంద్రనగర్ కాంగ్రెస్ ఎమ్మెల్యే ప్రకాష్ గౌడ్పై ఆయన కుమారుడు సంతోష్ గౌడ్ ప్రాణాపాయం ఉందని ఆరోపణలు చేశారు. మణికొండకు చెందిన బీఆర్ఎస్ నాయకురాలు రూపారెడ్డి కుమార్తె శ్రియాశ్రీతో తాను ప్రేమించుకుంటున్నానని, కుటుంబం అడ్డుకుంటున్నా బహిరంగంగా ఎంగేజ్మెంట్ చేసుకున్నానని సంతోష్ చెప్పారు. గత నెల రోజులుగా తాము రూపారెడ్డి ఇంట్లోనే నివసిస్తున్నామని, ఈ పరిస్థితిని జీర్ణించుకోలేని ఎమ్మెల్యే ప్రకాష్ గౌడ్ తమ ఇంటిపై గూండాలను పంపించారని ఆరోపించారు.

ఈ ఘటనపై నార్సింగీ పోలీస్‌స్టేషన్‌లో తాను ఫిర్యాదు చేశానని, అయితే పోలీసులు తన ఫిర్యాదును పక్కనపెట్టి తమపై మోసం కేసు నమోదు చేశారని సంతోష్ ఆవేదన వ్యక్తం చేశారు. తనకు, తన ప్రియురాలికి ప్రాణాపాయం ఉందని, ఏదైనా హానీ జరిగితే బాధ్యత ప్రకాష్ గౌడ్దే అని స్పష్టం చేశారు. తమకు రక్షణ కల్పించాలంటూ ఆయన మీడియా ముందు విజ్ఞప్తి చేశారు.

ఇదే కేసుకు సంబంధించి ప్రకాష్‌ గౌడ్ ఆడియో క్లిప్ ని కూడా సంతోష్ విడుదల చేశారు. ఈ ఆరోపణలపై ప్రకాష్ గౌడ్ ఇంకా స్పందించలేదు.