హైదరాబాద్‌లో ఉద్యోగులు, వృద్ధుల కోసం తక్కువ ధరలో హోమ్ ఫుడ్ సర్వీస్

హైదరాబాద్‌లోని నాగోల్‌కు చెందిన సంతోష్ శర్మ ఉద్యోగులు, వృద్ధుల కోసం ఒక హోమ్ ఫుడ్ సర్వీస్ నడుపుతున్నారు. రెండు సంవత్సరాల క్రితం ప్రారంభమైన ఈ సర్వీస్ ప్రస్తుతం రోజుకు దాదాపు 300 మందికి భోజనం అందిస్తున్నట్లు ఆయన తెలిపారు.

ఉదయం 5 గంటల నుంచే తాజా కూరగాయలతో వంట ప్రారంభమవుతుంది. తక్కువ నూనెతో, ఉల్లి-వెల్లుల్లి లేకుండా రుచికరమైన భోజనం సిద్ధం చేస్తారు. ఒక్కో లంచ్ బాక్స్‌లో పప్పు, కూర, సాంబారు, పచ్చడి, చపాతీ లేదా బ్రౌన్ రైస్ ఆప్షన్ ఉంటుంది.

నెలవారీ ప్యాకేజీలు కూడా అందిస్తున్నారు. ఒక్క వ్యక్తికి రూ. 6,800, ఇద్దరికి రూ. 7,800, ముగ్గురికి రూ. 9,800. ఈ ధరల్లో డోర్ డెలివరీ కూడా ఉంటుంది. రాంపల్లి, బాచుపల్లి, హైటెక్ సిటీ, కొండాపూర్, శంకరపల్లి వంటి దూర ప్రాంతాలకు కూడా సమయానికి భోజనం చేరుతుంది.

ఈ సర్వీస్ ద్వారా సంతోష్ శర్మతో పాటు మరో 25 మందికి ఉపాధి లభించింది. కిచెన్ స్టాఫ్, డెలివరీ సిబ్బంది రోజూ భోజనాన్ని సకాలంలో అందించేందుకు పనిచేస్తున్నారు. ప్రస్తుతం 300 మందికి సేవలు అందిస్తున్న ఈ సంస్థ మరింత మందికి సేవలు అందించేందుకు సిద్ధంగా ఉన్నట్లు సంతోష్ శర్మ చెప్పారు.