విశాఖలో స్కూల్ బస్సుల ఫిట్నెస్ తనిఖీలు: ఆర్టీఏ స్పెషల్ డ్రైవ్

విశాఖపట్నంలోని 1350 స్కూల్, కాలేజీ బస్సుల్లో 1070 బస్సులకు ఫిట్నెస్ తనిఖీలు పూర్తయ్యాయి. మిగిలిన బస్సుల తనిఖీలు వచ్చే వారం రోజుల్లో జరుగనున్నాయి.

ఆర్టీఏ అధికారులు డ్రైవర్ ఫిట్నెస్, ఫైర్ సేఫ్టీ, ఎమర్జెన్సీ ఎగ్జిట్ డోర్లు, స్పీడ్ గవర్నర్ వంటి నిబంధనలను తనిఖీ చేస్తున్నారు. 2024 తర్వాత తయారైన కొత్త బస్సుల్లో ఆటోమేటిక్ CO2 ఫోమ్ ఫైర్ సప్రెషన్ సిస్టమ్ తప్పనిసరి అని అధికారులు తెలిపారు. స్పీడ్ గవర్నర్ లేని బస్సులు గంటకు 60 కిలోమీటర్ల మించి వెళ్లకుండా నియంత్రణ ఉంటుందని చెప్పారు.

రాష్ట్రవ్యాప్తంగా ప్రభుత్వ ఆదేశాల మేరకు ఈ స్పెషల్ డ్రైవ్ నిర్వహిస్తున్నట్లు ఆర్టీఏ అధికారి తెలిపారు. నిబంధనలు పాటించని బస్సుల లైసెన్సులను తాత్కాలికంగా రద్దు చేసి, పూర్తిస్థాయి ఫిట్నెస్ నిర్ధారణ తర్వాతే రోడ్డెక్కించనున్నట్లు ఆయన వివరించారు.

ప్రమాదం జరిగితే చిన్నారులు, విద్యార్థులు త్వరగా భయాందోళనకు గురవుతారని, అందుకే ఎమర్జెన్సీ ఎగ్జిట్ డోర్లు, ఫైర్ అలారం, ఆటోమేటిక్ ఫాయిల్ సిస్టమ్ వంటివి తప్పనిసరి అని ఆయన పేర్కొన్నారు. ఈ డ్రైవ్ మరికొన్ని రోజులు కొనసాగే అవకాశం ఉంది.