స్క్రాప్‌తో 250 కార్లు: హైదరాబాద్‌లో సుధా కార్స్ మ్యూజియం

హైదరాబాద్‌లో స్క్రాప్‌తో తయారు చేసిన కార్ల మ్యూజియం ఒకటి ఉంది. సుధాకర్ అనే వ్యక్తి ఈ సుధా కార్స్ మ్యూజియంను నడుపుతున్నారు. ఇందులో 250 వాహనాలను ప్రదర్శనకు ఉంచారు.

ఈ మ్యూజియంలో కప్పు, సోఫా, బర్గర్ ఆకారాల్లో కార్లు ఉన్నాయి. గణేష్ కారు, శివలింగం కారు, అయోధ్య టెంపుల్ కారు కూడా ఇక్కడ ఉన్నాయి. స్క్రాప్‌తో వస్తువులు తయారు చేయడంలో సుధాకర్ మూడు గిన్నిస్ వరల్డ్ రికార్డులు సాధించారు.

ఆయన 26 రకాల సైకిళ్లను డిజైన్ చేశారు. ప్రపంచంలోనే అత్యంత ఎత్తైన ట్రైసైకిల్ కూడా ఇక్కడ ఉంది. ఈ సైకిల్ తయారీలో 56 సార్లు విఫలమయ్యారు. ఇప్పటివరకు 62 వాకీ కార్లను తయారు చేశారు. కరోనా వైరస్ ఆకారంలో కారు కూడా రూపొందించారు.

2000 సంవత్సరంలో ఈ మ్యూజియం ప్రారంభమైంది. వివిధ రాష్ట్రాల నుంచి విద్యార్థులు, పర్యాటకులు వస్తున్నట్లు సుధాకర్ తెలిపారు.