సీదిరి అప్పలరాజు బెయిల్ పిటిషన్ విచారణ వాయిదా, పోలీస్ కస్టడీకి కోర్టు అనుమతి

శ్రీకాకుళం జిల్లా పలాసలో మాజీ మంత్రి సీదిరి అప్పలరాజు కుమారుడి బైక్ యాక్సిడెంట్ కేసు నేపథ్యంలో ఆయన బెయిల్ పిటిషన్ విచారణ సోంపేట కోర్టులో వాయిదా పడింది.

హిట్ అండ్ రన్ కేసులో సీదిరి అప్పలరాజు, ఆయన కుమారుడు ఆరవ వర్మ సిద్ధార్థతో సహా ముగ్గురు నిందితులు ప్రస్తుతం రిమాండ్‌లో ఉన్నారు. పలాస కోర్టు వీరికి 14 రోజుల జ్యుడీషియల్ రిమాండ్ విధించింది.

కుమారుడి స్థానంలో మరో వ్యక్తిని నిందితుడిగా చూపించి కేసును తప్పుదోవ పట్టించే ప్రయత్నం చేశారన్నది సీదిరిపై ప్రధాన అభియోగం. ఈ వ్యవహారంలో రిమాండ్ నిందితులను ప్రశ్నించేందుకు పోలీస్‌కు కోర్టు అనుమతి ఇచ్చింది.

అయితే విజయనగరం జిల్లా భోగాపురంలో ప్రధాని నరేంద్ర మోడీ పర్యటనతో పోలీసులు బందోబస్తులో బిజీగా ఉన్నందున, ఆయన పర్యటన ముగిసిన తర్వాత నిందితులను కస్టడీలోకి తీసుకునే అవకాశం ఉందని సమాచారం.