విద్యారంగ సమస్యలపై హైదరాబాద్‌లో SFI జెన్ జీ విద్యార్థుల సమావేశం

హైదరాబాద్‌లోని సుందరయ్య విజ్ఞాన కేంద్రంలో SFI ఆధ్వర్యంలో జెన్ జీ విద్యార్థుల సమావేశం జరిగింది. ఈ కార్యక్రమానికి ప్రొఫెసర్ నాగేశ్వర్, SFI అఖిల భారత సహాయ కార్యదర్శి ఐషీ ఘోష్ హాజరయ్యారు.

ఢిల్లీలో జంతర్ మంతర్ వద్ద పేపర్ లీకేజీలకు వ్యతిరేకంగా విద్యార్థులు చేపట్టిన ఉద్యమం గురించి వక్తలు మాట్లాడారు. పేపర్ లీకేజీలు, పరీక్షల నిర్వహణలో అవకతవకలు, నిరుద్యోగం వంటి సమస్యలపై ప్రభుత్వాలు బాధ్యత వహించాలని వారు కోరారు.

ప్రభుత్వ విద్యా సంస్థల్లో మౌలిక వసతుల కొరత, అధ్యాపకుల ఖాళీలు, ఫీజుల భారం వంటి సమస్యలను వెంటనే పరిష్కరించాలని SFI నేతలు డిమాండ్ చేశారు. విద్యా ఉద్యోగ హక్కులతో పాటు ప్రజాస్వామ్య విలువల పరిరక్షణ కోసం విద్యార్థులు ముందుకు రావాలని పిలుపునిచ్చారు.

తెలంగాణలో విద్యారంగ సమస్యలపై ఉద్యమాలు మరింత చేపడతామని SFI నేతలు తెలిపారు. విద్యార్థుల సమస్యలు వ్యక్తిగతమైనవి కావని, ప్రభుత్వ విధానాలతో ముడిపడి ఉన్నాయని ఐషీ ఘోష్ అన్నారు.