శని త్రయోదశి: శని షోడశనామ స్తోత్రం పఠించే విధానం, అర్థం

శనివారం త్రయోదశి తిథి కలిసి వచ్చినప్పుడు శని త్రయోదశిగా భావిస్తారు. ఈ రోజు శని దోషాల నివారణకు ప్రత్యేక పూజలు, దానాలు చేయడం ఆనవాయితీ. ఇంట్లో దీపం వెలిగించిన తర్వాత శని షోడశనామ స్తోత్రం పఠించడం వల్ల శని భగవానుడి అనుగ్రహం లభిస్తుందని భక్తులు విశ్వసిస్తారు.

ఈ స్తోత్రం ఇలా ఉంటుంది: “కోణ శనేశ్చరో మందః, ఛాయా హృదయనందనః, మార్తాండజస్తదా సౌరిహి, పాతంగీ గ్రహనాయకః, అబ్రాహ్మణః క్రూరకర్మ, నీల వస్త్రాంజనద్యుతిహి, కృష్ణ ధర్మానుజః శాంతః, సుష్కోదరవర ప్రదః”

ప్రతి నామానికి ఒక అర్థం ఉంది. - “కోణ శనేశ్చరో” అంటే పడమటి దిక్కుకు ప్రీతిపాత్రుడు. - “మందః” నెమ్మదిగా సంచరించే స్వామి. - “ఛాయా హృదయనందనః” తల్లి ఛాయాదేవి హృదయాన్ని ఆనందపరిచేవాడు. - “మార్తాండజ” సూర్యుని కుమారుడు. - “సౌరిహి” సూర్యుడి కుమారుడు. - “పాతంగి” ఆకాశంలో సంచరించేవాడు. - “గ్రహనాయకః” గ్రహాలకు అధిపతి. - “అబ్రాహ్మణః” ధ్యాన తపస్సులో ఉండేవాడు. - “క్రూరకర్మ” భక్తుల జీవితంలో కఠినత్వం కలిగించేవాడు (తద్వారా వారికి మేలు చేసేవాడు). - “నీల వస్త్ర” నీలం రంగు దుస్తులు ధరించేవాడు. - “అంజనద్యుతి” కాటుక రంగులో ప్రకాశించేవాడు. - “కృష్ణ” నీలం రంగు కలవాడు. - “ధర్మానుజః” యమధర్మరాజు సోదరుడు. - “శాంతః” ప్రశాంత స్వభావుడు. - “సుష్కోదర” సన్నటి శరీరం కలవాడు. - “వరప్రదః” వరాలు ఇచ్చేవాడు.

శని త్రయోదశి రోజు ఈ స్తోత్రం పఠించడం వల్ల శని దోషాలు తొలగిపోతాయని భక్తుల నమ్మకం. శని భగవానుడు స్తోత్రప్రియుడని పురాణాలు చెబుతున్నాయి.