ఉజ్జైని మహంకాళి ఆలయంలో బోనం నేలపాలు: జోగిని శ్యామల ఆగ్రహం

సికింద్రాబాద్‌లోని ఉజ్జైని మహంకాళి ఆలయంలో బోనం సందర్భంగా జోగిని శ్యామల ఆగ్రహం వ్యక్తం చేశారు. తమ బోనం నేలపాలు కావడంతో తాము అవమానానికి గురైనట్టు ఆమె తెలిపారు.

ఆమె మాట్లాడుతూ, తాము శాంతియుతంగా మాట్లాడేందుకు వచ్చామని, ధర్నా చేయాలని రాలేదని స్పష్టం చేశారు. పోలీసులు కూడా తమను గౌరవించడం లేదని ఆరోపించారు.

ప్రభుత్వం చర్చలకు పిలవడంతో బోనాలు ఎప్పుడు చేయాలనేది చర్చించి మళ్ళీ బోనం తీసుకొస్తామని తెలిపారు. బోనాల కమిటీల్లో జోగినీలను ఎందుకు చేర్చడం లేదని ప్రశ్నించారు. జోగినీలు ఏడిస్తే రాష్ట్రానికి మంచిది కాదని శ్యామల వ్యాఖ్యానించారు.

ఆలయ నిర్వాహకులు ఈ వివాదంపై స్పందించలేదు.