సిద్దు జొన్నలగడ్డ 10వ సినిమా ప్రకటన.. షూటింగ్ ప్రారంభం

నటుడు సిద్దు జొన్నలగడ్డ 10వ సినిమా అధికారికంగా ప్రకటన అయింది. ఈ చిత్రం షూటింగ్ కూడా ప్రారంభమైంది. గీతా ఆర్ట్స్ 2, సుకుమార్ రైటింగ్స్ బ్యానర్లు ఈ సినిమాను నిర్మిస్తున్నాయి. నిర్మాత బన్నీ వాసు.

ఈ సినిమాను '#Siddu10' టైటిల్‌తో ప్రకటించారు. మేకర్స్ విడుదల చేసిన అధికారిక పోస్టర్‌లో ఒక వైపు పెద్ద కత్తి, మరో వైపు శివలింగం కనిపిస్తున్నాయి. పోస్టర్‌కు ఇచ్చిన డార్క్ లుక్ ఆడియన్స్‌లో ఆసక్తి పెంచుతోంది.

షూటింగ్ ప్రారంభోత్సవంలో గీతా ఆర్ట్స్ అధినేత అల్లు అరవింద్ స్వయంగా క్లాప్ కొట్టి చిత్రాన్ని ప్రారంభించారు.

సిద్దు తొలుత జోష్ చిత్రంలో సైడ్ రోల్స్ చేశారు. ఆ తర్వాత గుంటూరు టాకీస్, కృష్ణ అండ్ హిజ్ లీలా చిత్రాలతో హీరోగా గుర్తింపు పొందారు. డీజే టిల్లు సినిమాతో యూత్‌లో మంచి ఫాలోయింగ్ వచ్చింది.

బొమ్మరిల్లు భాస్కర్ దర్శకత్వంలో వైష్ణవి చైతన్య హీరోయిన్‌గా వచ్చిన జాక్ చిత్రం బాక్సాఫీస్ వద్ద ఆశించిన ఫలితం ఇవ్వలేదు. నీరజా కోన దర్శకత్వంలో వచ్చిన తెలుసు కదా చిత్రానికి మంచి టాక్ వచ్చినా వసూళ్లు ఆశించిన స్థాయిలో నమోదు కాలేదు.