మంచిర్యాల జిల్లాలో పట్టు రైతుల ఆందోళన; అటవీ అధికారులపై ఆరోపణలు

మంచిర్యాల జిల్లా కోటపల్లి మండలం కవరకొత్తపల్లి గ్రామంలో పట్టు పురుగు రైతులు నిరసన వ్యక్తం చేశారు. అటవీ అధికారులు తమ పట్టు పురుగు పంటలను నాశనం చేస్తూ వేధిస్తున్నారని ఆరోపిస్తున్నారు.

రైతులు చెప్పిన వివరాల ప్రకారం 1940 నుంచి ఈ గ్రామంలో పట్టు పరిశ్రమను జీవనాధారంగా చేసుకుని జీవిస్తున్నారు. అడవిని సంరక్షిస్తూనే పంటలు పండిస్తున్నామని తెలిపారు. అయితే అటవీ శాఖ అధికారులు తమ పంటలను ధ్వంసం చేస్తున్నారని, దీంతో ఆర్థిక నష్టం వాటిల్లుతోందని పేర్కొన్నారు.

గతంలో ఈ సమస్యను స్థానిక మంత్రి దృష్టికి తీసుకెళ్లినా అధికారుల ప్రవర్తనలో మార్పు రాలేదని, మంత్రికి చెప్పినందుకు మరింత బెదిరింపులు ఎదురవుతున్నాయని రైతులు చెబుతున్నారు. బాధ్యులైన అధికారులపై చర్యలు తీసుకోవాలని ప్రభుత్వాన్ని కోరుతున్నారు. ఈ ఘటనపై అటవీ శాఖ నుంచి స్పందన రాలేదు.