సింహాచలం గిరి ప్రదక్షిణ నేడు ప్రారంభం: 8 లక్షల మందికి ఏర్పాట్లు

సింహాచలంలో నేడు (ఆషాడ శుద్ధ చతుర్దశి) గిరి ప్రదక్షిణ ప్రారంభమవుతుంది. 32 కిలోమీటర్ల సింహగిరి చుట్టూ భక్తులు ప్రదక్షిణ చేస్తారు.

ఈసారి సుమారు 8 లక్షల మంది భక్తులు వస్తారని అధికారులు అంచనా వేశారు. వారి కోసం ఆర్టీసీ 50 ప్రత్యేక బస్సులు నడుపుతోంది. 3,000 మంది పారిశుద్ధ్య సిబ్బంది, షీ టీమ్స్‌తో సహా సేవలు అందిస్తారు.

జీవీఎంసీ కమిషనర్ కేతన్ మాట్లాడుతూ, 750కు పైగా మరుగుదొడ్లు ఏర్పాటు చేశామన్నారు. ఇందులో 150 శాశ్వతమైనవి, 583 తాత్కాలికమైనవి. ప్రతి 250-300 మీటర్లకో మరుగుదొడ్డి ఉంటుంది. తాగునీటి కోసం 114 సరఫరా పాయింట్లు, 17,000 బబుల్స్ ఏర్పాటు చేశారు. ఒక్కో బబుల్ 20 లీటర్ల సామర్థ్యం కలిగి ఉంటుంది. రాత్రివేళ నీటి సరఫరాకు ప్రత్యేక సిబ్బంది నియమించారు.

విద్యుత్ దీపాల కోసం 3,000కు పైగా స్ట్రీట్ లైట్లు, 14 జంబో టవర్లు ఏర్పాటు చేశారు. సింగిల్ యూజ్ ప్లాస్టిక్‌ను పూర్తిగా నిషేధించారు. పర్యవేక్షణకు 7 షీ టీమ్స్ 24/7 పనిచేస్తాయి. గిరి ప్రదక్షిణ చేస్తే భూప్రదక్షిణ చేసినంత పుణ్యం వస్తుందని భక్తుల నమ్మకం. ప్రదక్షిణ చేయలేనివారు ఆలయం చుట్టూ మూడుసార్లు ప్రదక్షిణ చేస్తే అదే ఫలితం లభిస్తుందని విశ్వాసం.

మధ్యాహ్నం 2 గంటలకు గిరి ప్రదక్షిణ ప్రారంభమవుతుంది. భక్తులు ఉదయం నుంచే ప్రదక్షిణ ప్రారంభిస్తారు.