నిజామాబాద్ జిల్లాలో SIR ప్రక్రియ శరవేగంగా కొనసాగుతోంది

తెలంగాణ వ్యాప్తంగా SIR ప్రక్రియ కొనసాగుతోంది. నిజామాబాద్ జిల్లా వ్యాప్తంగా దాదాపు 14,35,000 మంది ఓటర్లు ఉన్నారు. ఈ ప్రక్రియను పూర్తి చేసేందుకు 1565 మంది BLO లు మరియు 160 మంది సూపర్వైజర్లను నియమించారు. BLO లు ఇంటింటికి తిరుగుతూ ఎన్యుమరేషన్ ఫారాలను అందజేస్తున్నారు. ఓటర్ ID, ఆధార్ వివరాలతో పాటు 2002కు ముందు పూర్వీకుల వివరాలను కూడా నమోదు చేస్తున్నారు.

దరఖాస్తు ఫామ్ నింపడంలో మరియు వివరాల నమోదుపై అనేక సందేహాలు వ్యక్తమవుతున్నాయి. మైనారిటీ ప్రాంతాలలో ఇంగ్లీషులో దరఖాస్తు నింపాలని కోరుతున్నారని స్థానికులు చెప్తున్నారు. నిజామాబాద్ నగరంలో స్థానిక కాలనీ కార్పొరేటర్లు కూడా BLO లతో కలిసి ఈ ప్రక్రియలో పాల్గొంటున్నారు.

మొదటి విడతలో ఫారాలు అందజేసిన తర్వాత రెండు నుండి మూడు రోజులలో వాటిని తిరిగి సేకరిస్తారు. ఫారాలు అందుకోని వారి ఇళ్లకు మళ్ళీ వెళ్లి ఫారాలు అందజేస్తున్నామని BLO లు తెలిపారు. ప్రజలు చాలా సహకరిస్తున్నారని, ఎలాంటి ఇబ్బందులు లేవని క్షేత్ర స్థాయి సిబ్బంది వెల్లడించారు.

జూలై 24 వరకు ఈ ప్రక్రియ కొనసాగనుంది. అర్హులైన ఓటర్లను జాబితాలో చేర్చడం మరియు అనర్హుల ఓట్లను తొలగించడం ఈ SIR ప్రక్రియ లక్ష్యం. నిరక్షరాస్యులకు అధికారులే ఫారాలు నింపుతున్నారు. రోజుకు 52,000కు పైగా ఎలిమినేషన్ ఫారాలు ఇంటింటికి చేరుతున్నాయని అధికారులు తెలిపారు. మొత్తంగా నిజామాబాద్ జిల్లాలో SIR ప్రక్రియ సజావుగా కొనసాగుతోందని చెప్పవచ్చు.