జాతీయ చేనేత దినోత్సవం: నెక్లెస్ రోడ్‌లో ఎగ్జిబిషన్ ప్రారంభించిన మంత్రి సీతక్క

జాతీయ చేనేత దినోత్సవం సందర్భంగా హైదరాబాద్ నెక్లెస్ రోడ్ లోని పీపుల్స్ ప్లాజాలో ఏర్పాటు చేసిన చేనేత ఎగ్జిబిషన్‌ని రాష్ట్ర మంత్రి సీతక్క ప్రారంభించారు.

ఈ సందర్భంగా ఆమె మాట్లాడుతూ వ్యవసాయం తర్వాత అత్యంత కష్టపడేది నేత కార్మికులేనని చెప్పారు. నేత రంగానికి ప్రభుత్వం ప్రాధాన్యత ఇస్తోందని తెలిపారు.

ముఖ్యమంత్రి రేవంత్ రెడ్డి ఆదేశాల మేరకు, చేనేత, జౌళి శాఖ మంత్రి తుమ్మల నాగేశ్వర రావు ఆధ్వర్యంలో ఈ ఎగ్జిబిషన్ ఏర్పాటు చేసినట్టు వివరించారు.

వారానికి కనీసం రెండు రోజులైనా చేనేత వస్త్రాలు ధరించాలని ఆమె ప్రజలకు విజ్ఞప్తి చేశారు.